டாண்டியா ஆட்டமும் - dandiya aatamum

டாண்டியா ஆட்டமும் ஆட தசரா கூட்டமும் கூட 
குஜராத் குமரிகளாட காதலன் காதலியை தேட 
அவள் தென்படுவாளோ எந்தன் கண் மறைவாக 
நின்று காதல் சொல்வாளோ நெஞ்சோடு 
அவள் எங்கே என காணாமல் வாட என்னைத்தான் ஏங்க வைப்பாளோ 

உன்னைக் கண்டு எண்ணம் யாவும் மெல்ல ஊமையாகி நின்றதென்ன சொல்ல
நூறு வார்த்தை அல்ல அல்ல ஒரு வார்த்தை புரியாதா 
எந்த வார்த்தை சொல்லவில்லையோ நீ அந்த வார்த்தை எந்தன் கண்களால் நான் 
நூறு ஜாடையில் சொன்னேன்னு தெரியாதா புரியாதா 
மையை போல நான் உன் கண்ணில் சேர வேண்டும் 
பூவை போல நானும் உந்தன் கூந்தல் சேர வேண்டும் 
கண்ணில் வைத்த மையும் கரைந்து போக கூடும்
கூந்தல் வைத்த வண்ணப்பூவும் வாடிப்போக கூடும் 
சரி காதல் நெஞ்சை நான் தரலாமா உன் கணவனாக நான் வரலாமா 
இந்த வார்த்தை மட்டுமே நிஜமானால் ஒரு ஜென்மம் போதும் 
உயிரே வா அன்பே வா (2)

காதல் பார்வைகள் எல்லாமே அழகு காதல் வார்த்தைகள் எல்லாமே கவிதை 
காதல் செய்வதே எந்நாளும் தெய்வீகம் 
காதல் என்பதை கண்டுபிடித்தவன் காலம் முழுவதும் நன்றிக்குரியவன் 
காதல் இல்லையேல் இல்லையே என்னாகும் பூலோகம் 
உள்ளம் என்ற ஒன்றை உன்னிடத்தில் தந்தேன் தந்த உள்ளம் பத்திரமா தெரிந்து கொள்ள வந்தேன் 
என்னைப் பற்றி நீ தான் எண்ணியது தவறு என்னை விட உந்தன் உள்ளம் என்னுடைய உயிரு 
இரு உயிர்கள் என்பது கிடையாது இங்கு உனது எனது என்ற பிரிவேது 
இந்த வார்த்தை மட்டுமே நிஜமானால் ஒரு ஜென்மம் போதும் 
உயிரே வா அன்பே வா (2)

வாலிப நெஞ்சங்கள் உறவு கொண்டாட வந்தது இங்கொரு ராத்திரி 
தாண்டியா என்றொரு ராத்திரி 
துணை செய்ய நாங்கள் உண்டு தோழனே துணிந்து நீ காதல் செய்வாய் தோழியே 
உங்களாலே என்றும் மண்ணில் காதல் வாழுமே