அகரம் இப்போ சிகரம் - agaram ippo sigaram

அகரம் இப்போ சிகரம் ஆச்சு தகரம் இப்போ தங்கம் ஆச்சு 
காட்டு மூங்கில் பாட்டு பாடும் புல்லாங்குழல் ஆச்சு 
சங்கீதமே சந்நிதி சந்தோசம் சொல்லும் சங்கதி 

கார்காலம் வந்தால் என்ன கடுங்கோடை வந்தால் என்ன 
மழைவெள்ளம் போகும் கரைரெண்டும் வாழும் 
காலங்கள் போனால் என்ன கோலங்கள் போனால் என்ன 
பொய் அன்பு போகும் மெய் அன்பு வாழும் 
அன்புக்கு உருவம் இல்லை பாசத்தில் பருவம் இல்ல 
வானோடு முடிவும் இல்லை வாழ்வோடு விடையும் இல்லை 
இன்றென்பது உண்மையே நம்பிக்கை உங்கள் கையிலே


தண்ணீரில் மீன்கள் வாழும் கண்ணீரில் காதல் வாழும் 
ஊடல்கள் எல்லாம் தேடல்கள் தானே
பசியாற பார்வை போதும் பரிமாற வார்த்தை போதும் 
கண்ணீரில் பாதி காயங்கள் ஆறும் 
தலைசாய்க்க இடமா இல்லை தலை கோத விரலா இல்லை 
இளங்காற்று வரவா இல்லை இளைப்பாறு பரவாயில்லை
நம்பிக்கையே நல்லது எறும்புக்கும் வாழ்க்கை உள்ளது